د «د افغانستان اقتصادي طلوع» نندارتون د افغانستان د اقتصادي انکشاف ادارې (AEGIO) په نوښت او د خانبیک آسیا د نندارتون خدمتونو شرکت په تخنیکي مرسته ترسره شو. دغه نندارتون د هېواد د ظرفیتونو د معرفي کولو، د کورنیو تولیداتو د ودې او د متشبثینو د ملاتړ په موخه جوړ شوی و.

دا نندارتون د ۱۴۰۵ لمریز کال د حمل له ۲۰مې تر ۲۳مې (۲۰۲۶ میلادي) پورې د کابل ښار په خلیج هوټل کې ترسره شو.

د دې نندارتون اساسي موخې د هېواد اقتصادي لاسته راوړنو معرفي کول، د کورنیو تولیداتو پیاوړتیا، د دولتي او خصوصي سکتورونو ترمنځ د همکارۍ فرصتونه رامنځته کول، او د سوداګریزو اړیکو پراخول وو. په دې نندارتون کې بېلابېلو ادارو ګډون کړی و، لکه دولتي ادارې، خصوصي سکتور، نادولتي مؤسسې (NGOs)، تولیدي شرکتونه، د کرنې او مالدارۍ سکتور، لاسي صنایع، مخابراتي خدمتونه او د ګرځندوی سکتور.

په دې پروګرام کې شاوخوا ۱۸۰ د ښځو اړوند شرکتونو او ۵ د نارینه وو شرکتونو د متشبثینو او تولیدونکو له ډلې څخه ګډون کړی و او خپل محصولات او خدمات یې نندارې ته وړاندې کړل. دا پراخ ګډون د هېواد په اقتصادي وده او پرمختګ کې د ښځو د برجسته رول څرګندونه کوي.

همدارنګه، د افغانستان د ښځو د سوداګرۍ او صنايعو خونه هم په دې نندارتون کې ونډه درلوده او د ښځینه ګډونوالو ملاتړ یې وکړ، ترڅو هغوی په دې اقتصادي پروګرام کې اغېزمن حضور ولري.

دغه نندارتون د ګډونوالو او لیدونکو له پراخ هرکلي سره مخ شو او د اقتصادي ودې، د کورنیو تولیداتو د معرفي کولو او د ښځو د پیاوړتیا په برخه کې یو مهم ګام بلل کېږي.

د اختر الفطر په مناسبت، د «Eid Bazaar» په نامه یوه پروګرام د ۲۰۰ ښځو لپاره جوړ شو، څو ښځې متشبثه تشویق او ملاتړ شي.

دا شپږ ورځنی Eid Bazaar د ۱۴۰۴ کال د حوت له ۲۲ څخه تر ۲۸ پورې د ښځو د سوداګرۍ په خونې کې ترسره شو. د دې پروګرام موخه د کارآفرینۍ د روحیې لوړول، د پایدارو اقتصادي فرصتونو رامنځته کول، او د ښځو د رول پیاوړتیا په بازار کې وه.

د دې پروګرام جوړول د نړیوالو سازمانونو لکه UN Women، UNHCR، او UNDP په همکارۍ او ملاتړ ترسره شول او د ښځو متشبثانو لپاره د ملاتړ او اقتصادي فرصتونو په برابرولو کې مهم رول ولوباوه.

دا پېښه یوه ښه موقع برابره کړه څو فعالې ښځې په بازار کې خپل اقتصادي وړتیاوې په یو متحرک چاپیریال کې وښيي او مؤثره برخه واخلي.

د ۱۵۰ بې وزله ښځو لپاره د بشر دوستانه مرستو پروګرام د د ښځو د سوداګرۍ خونې او د GNI موسسې په همکارۍ ترسره شو. دا پروګرام د ټولنې د زیان‌منو ډلو د ملاتړ، د اړمنو کورنیو د ژوند د شرایطو د ښه کولو او د ټولنیز یووالي او همکارۍ د پیاوړتیا په موخه ډیزاین شوی و.

د پروګرام په جریان کې، اړینې مرستې ګډونوالو ته وړاندې شوې او هڅه شوې چې د دې ډول ابتکاراتو له لارې د اقتصادي ستونزو په کمولو او د بې وزلو ښځو د ژوند د کیفیت په لوړولو کې اغیزمن رول ولوبول شي.

د ۱۴۰۴ کال د حوت میاشتې په ۲۱مه نېټه، د روژې مبارکې میاشتې په مناسبت د ۵۰ بې وزله ښځو لپاره د افطار پروګرام جوړ شو. د دې پروګرام موخه د اړمنو کورنیو ملاتړ او د ټولنیز یووالي او همدردۍ فضا رامنځته کول وو.

دا د افطار غونډه د سوداګرۍ خونې، د GNI موسسې او د افغانستان د سراسري عیارانو د سولې شورا په همکارۍ ترسره شوه. ګډونوالو په یو صمیمي او معنوي چاپېریال کې سره راټول شول او له دې نېک اقدام څخه یې ګټه پورته کړه.

د ۱۴۰۴ کال د حوت په ۲۱مه نېټه د ۶۰ مېرمنو متشبثینو د یوه کلني فعالیت د قدردانۍ لپاره یو پروګرام ترسره شو. دغه مراسم هغو مېرمنو ته ځانګړې شوې وې چې په بېلابېلو سکتورونو کې لکه صحت، ګنډل، کرنه، د خوړو د موادو پروسس او نورو برخو کې فعاله وې او د افغانستان د ښځو او نجونو خدمت یې کړی دی. د دې پروګرام په پای کې د ښځو د سوداګرۍ او صنایعو خونې له خوا تقدیرنامې ورکړل شوې.

د ښځو د کارآفرینۍ د ملاتړ او د هغوی د اقتصادي ظرفیتونو د پیاوړتیا په موخه، د ښځو د سوداګرۍ او صنایعو خونه او د السو مؤسسه (AELSO) د ۲۰۲۶ د فبرورۍ په ۱۴مه / د ۱۴۰۴ کال د دلوې په ۲۵مه نېټه د ۷۰ ښځو لپاره یو ورځنی پروګرام ترسره کړ.

د دې پروګرام موخه د ښځو د کاروبار د ودې او پراختیا لپاره روزنه او اغېزمنې لارې چارې وړاندې کول وو، تر څو ښځې وکولای شي خپل اقتصادي فعالیتونه پراخ کړي او مالي ثبات ترلاسه کړي.

د پروګرام په پای کې، د ښځو د هڅو او ګډون د قدردانۍ په موخه د دې موسسې او د ښځو د سوداګرۍ او صنایعو خونې له لوري د ستاینلیکونه ووېشل شول.

د ۲۰۲۶ کال د جنورۍ په ۱۸ او ۱۹ نېټه، د TLO موسسې او ACTED بنسټ په همکارۍ د نظرونو د تبادلې، پوهاوي او د ښځو د سوداګرۍ او صنایعو د خونې د معرفي کولو لپاره یوه برنامه د یو شمېر ښځو لپاره جوړه شوه.

دا برنامه د هغو ښځو د هڅونې او ملاتړ په موخه جوړه شوه چې د موجوده شرایطو له امله د ښوونځیو د زده‌کړو او د دولتي ادارو په کارونو کې برخه نه شي اخیستلی، تر څو د ښځو د سوداګرۍ او صنایعو د خونې د فرصتونو او خدماتو سره آشنا شي او د اقتصادي فعالیتونو بدیل لارې چارې وپیژني.

دا برنامه د ۷۰ ښځو لپاره پلان شوې وه، او په ترڅ کې یې هغوی ته د ښځو د سوداګرۍ او صنایعو د خونې د فعالیتونو، خدماتو او موجوده فرصتونو اړوند اړین معلومات وړاندې شول.

په پای کې، د ګډونوالو د قدردانۍ او تشویق په موخه، د ښځو د سوداګرۍ او صنایعو د خونې له لوري هغوی ته افتخاري غړیتوبونه ورکړل شول.

د ۱۴۰۴ کال د جدي په ۸ او ۹ نېټه، د شمالي زون د فرصتونو د ارزونې او ستونزو د حل لپاره دوه ورځنۍ غونډه ترسره شوه.

دغه غونډه د مرکزي خونې له خوا راوبلله شوه او د شمال زون قومندانانو او مدیرانو په ګډون ترسره شوه، ترڅو د سیمې مهمې مسلې وڅېړل شي او د اقتصادي وضعیت د ښه‌والي او د فرصتونو د پراختیا لپاره عملي حللارې وړاندیز شي.

دا دوه ورځنی پروګرام د مدیرانو ترمنځ د نظرونو د تبادلې او همکارۍ زمینه برابره کړه او د سیمه‌ییزو اهدافو د پرمختګ لپاره ستراتیژیکې لارې چارې وڅېړل شوې.

د ښځو د سوداګرۍ او صنایعو خونه په ګډه د رویداد رسنۍ سره یو ځانګړی پروګرام د ۷۰ مېرمنو متشبثینو د قدردانۍ لپاره ترسره کړ. په دې مراسمو کې د دوی لاسته راوړنې په بېلابېلو سوداګریزو برخو کې وستایل شوې او په هېواد کې د دوی ونډه په اقتصادي پرمختګ کې په پام کې ونیول شوه.

د دوه ورځني نندارتون تر سرلیک شین لاری، چې د ۱۴۰۴ کال د قوس په ۲۳مه او ۲۴مه نېټه ترسره شو، د ښځو متشبثینو سوداګرۍ تشویق او وړاندې کړې. دغه نندارتون مېرمنو متشبثینو ته موقع ورکړه چې خپلې لاسته راوړنې، محصولات او نوښتونه وړاندې کړي او د سوداګرۍ د پراختیا او کارآفرینۍ په برخه کې خپلې عملي تجربې له اتاق تجارت او صنایعو سره شریکې کړي.